الاختلافات بين الرجل والمرأة من معلومة

النص الحلو..والنص التاني: إحنا مختلفين!

سؤال اليوم

ماهى البروستاتا؟ واين توجد ؟

هى جزء هام من الجهاز التناسلي للرجل وتوجد عند الذكر فقط وهى غده فى شكل وحجم ثمره "الجوز" أو "عين... المزيد

بقلم مي الحسيني

ممكن نختلف حوالين كون الستات ولا الرجالة بيفكروا أحسن وبيتعاملوا مع الأمور بشكل أفضل.. أو نشوف إن الاتنين عندهم نفس القدرات وإن النوع مش بيأثر في كفاءتهم للوصول لأحسن النتائج… لكن مش محتاج قوة ملاحظة عشان تشوف إن الستات والبنات مختلفات في طريقة تفكيرهم وتعاملهم مع الحياة عن الرجالة.

وفي الحقيقة فيه دراسات علمية كتيرة اتعملت على الموضوع ده: الاختلافات الدماغية بين النوعين، ومعظمها أقر بوجود اختلافات في شكل مخ الإناث مقارنة بالذكور، وإن ده بيأثر بدوره على بعض العوامل البيولوجية والنفسية عند كل نوع منهم.

أهم الاختلافات الدماغية بين النص الحلو.. والنص التاني

 

وجه الاختلاف
عند الإناث
عند الذكور
حجم المخ والاتصال بين جانبيه حجم المخ أكبر بنسبة 8% الاتصال بين النص اليمين والشمال أقوى. التفكير عندهم بيتم في جانبي المخ لإن تكوينه بيخليهم يقدروا ينقلوا المعلومات والبيانات والإشارات بين الجانبين اليمين والشمال بسرعة أكبر من الرجال. ده بيخلي عندها قدرة أفضل على رؤية جانب أكبر من الأمور والتفكير في تبعات المواقف. الاتصال بين النص الأمامي والخلفي أقوى، وفي أغلب الأحيان بيتم في الجزء الشمال من المخ وهو المسئول عن التفكير المنطقي والعقلاني. ده بيخلي عندهم قدرة أكبر على حل المشكلات محددة الجوانب واكتشاف العلاقات بين الأنماط وتقدير المساحات وعلاقتها بالأشياء.
المهام المتعددة قدرة أكبر على أداء أكتر من نشاط في نفس الوقت. مثلا ممكن تطبخ وهي بتتكلم في التليفون ومتابعة الأطفال أو شاشة التليفزيون! أداءهم بيكون أحسن كتير لما بيركزوا في نشاط واحد.
التواصل الاجتماعي قدرة أكبر على التواصل والتفاعل الاجتماعي، وده بيفسر نجاحهم أكتر من الرجال على تكوين علاقات اجتماعية متنوعة في طبيعتها والمحافظة عليها كلها رغم اختلاف طبيعة كل واحدة عن التانية. بيميلوا أكتر للقيام بأشياء محددة ومجردة من السياق الاجتماعي، وده بيفسر ميلهم للاعتماد على نفسهم أكتر من الستات.مثلا: نادرا ما تلاقي راجل بيسأل عن الطريق لأي مكان. بيفضل يدور بنفسه ويتوه لحد ما يوصل!
الجانب العاطفي فيه جزء اسمه “الجهاز الحوفي”.. الجزء ده بيكون أكبر عند الستات، وده بيخليهم حساسين أكتر من الرجالة وعندهم قدرة أكبر على التعبير عن مشاعرهم. كمان بيكون عندهم قدرة أكبر على الإلمام بالتفاصيل المحيطة بأي موضوع. تكوين الجزء ده عندهم بيخليهم يلاقوا صعوبة كبيرة في فهم المشاعر أو الانفعالات اللي مش بيتم التعبير عنها بوضوح بالكلام، وبيفضلوا التفكير المنطقي أكتر من العاطفي بعكس الستات.
القدرات الحسابية بتكون عادة أقل كفاءة مقارنة بالرجالة. أفضل بفضل حجم جزء في المخ إسمه Inferior-Parietal Lobule بيكون حجمه أكبر عند الذكور
الشعور بالألم “اللوزة”، وهي الجزء المسئول عن الشعور بالألم في المخ، بتكون فعالة في الجنب الشمال عند الستات، وده بيخليها متصلة أكتر بالوظايف الداخلية في جسمها وده بيخلي شعورها بالألم أكبر. “اللوزة” عند الرجالة بتكون في الجنب اليمين وده بيخليها متصلة أكتير بالوظائف الخارجية وبتخلي شعورهم بالألم أقل.
التوافق العضلي والحركي أقل عند الستات. أكبر عند الرجالة.
الميل للمغامرة والمخاطرة أقل ميلاً للمخاطرة والمغامرة. مخ الرجل مصمم بشكل يخليه يميل أكتر للمغامرة، لإنه بيضخ كميات أكبر من الأندروفين (الهرمون المسئول عن الشعور بالسعادة والنشوة) لما بيكون قدام تحدي أو مغامرة. وكل ما زاد حجم الجايزة أو العائد من ورا المغامرة دي كل ما زاد حماسه وإفراز الهرمون ده عنده.
الإثارة الجنسية بتحصل عن طريق مختلف الحواس والعوامل المحيطة زي الجو العام واللمس والشم وغيرها. بتحصل عن طريق حاسة البصر غالباً. معظم الرجال بيحسوا بالإثارة عن طريق المظهر اللي بيشوفوه.

 

مهم أوي نعرف إن كل الدراسات اللي اتعملت حوالين الموضوع ده وأكدت وجود الاختلافات دي بين النوعين أقرت تماماً بوجود استثناءات للقواعد دي وأشارت لوجود أشخاص تشريح مخهم بيجمع بين النوعين. وده بيفسر طبعاً إن مش كل الاختلافات دي بتنطبق بشكل مطلق على كل إنسان، لكن أكيد لو فهمناها ممكن تساعدنا على فهم نفسنا ونصنا التاني أكتر.
الكلمات المتعلقة: , , , , , , , ,
عدد المشاهدات: 2,872