الزينة والنظافة الشخصية مع معلومة

النص الحلو.. والنص التاني: الحلقة 5 “الزينة”

سؤال اليوم

ماهى البروستاتا؟ واين توجد ؟

هى جزء هام من الجهاز التناسلي للرجل وتوجد عند الذكر فقط وهى غده فى شكل وحجم ثمره "الجوز" أو "عين... المزيد

بقلم مي الحسيني

الزينة من أكتر الحاجات اللي بتفرحنا كلنا.. من واحنا صغيرين.. وبتلازم كل الأحداث المفرحة في حياتنا من أول ما بنتولد:

- يوم الولادة: بيزينوا البيت أو أوضة الأم في المستشفى.

- يوم السبوع: الزينة بتملى البيت.

- في أعياد الميلاد: الزينة مكون أساسي برضه.

- في الأعياد: كل عيد ليه زينته الخاصة (الفوانيس في رمضان، الشجرة في الكريسماس.. وهكذا)

- وفي الفرح: بنزين قاعة الفرح أو البيت أو الشارع برضه، بما يتناسب معاه.

ده النوع المعروف من الزينة.. أو بمعنى أصح هو أول معنى للزينة بينط في ذهننا لما بنسمع كلمة “زينة”.

بس فيه أنواع تانية مهمة جداً من الزينة.. لحياتنا بشكل عام.. وبالأخص في علاقتنا مع شريك حياتنا:
1- “العقل زينة”

“الاحترام” و”التفهم” والاحتواء”، هما زينة علاقات الحب والجواز.. وبنقدر نحققهم لما نفهم إن الطرف التاني “شخص مستقل بذاته وله رغباته واحتياجاته الخاصة”.. مش نسخة مكررة مننا.

لو فهمنا ده كويس وفكرنا نفسنا بيه دايماً، هنحترم خصوصيته، وهنتفهم اي ظروف حياتية أو مزاجية بيمر بيها، وهنقدر نحتويه.

وبكده يبقى عقلنا “زينة” زي ما المثل بيقول.

2- الزينة الشخصية

وهي التزين للطرف الآخر، ودي بقى مهمة جدا جدا جدا. وتكاد تكون أهم انواع الزينة في الحياة الزوجية.

 والتزين للطرف الآخر مش واجب على الزوجة فقط ولكن على الزوج أيضاً.. وكمان مينفعش يكون في المناسبات فقط أو للاستعداد للعلاقة الحميمية بس.. لأ.. لازم يكون سلوك وأسلوب حياة مستمر نحافظ عليه قدر الإمكان، كالتالي:

الزوج

الزوجة

المحافظة على النظافة الشخصية بوجه عام والاستحمام يومياً صيفاً وشتاءاً
حلاقة/ قص الشعر الزائد من تحت الإبط ومنطقة العانة إزالة الشعر الزائد من الجسم بوجه عام
قص الأظافر أو تقليمها والحفاظ على نظافتها
تغيير الملابس المتسخة أو المبللة بالعرق فى أقرب وقت ممكن
تغيير الملابس الداخلية يومياً خاصة فى فصل الصيف
غسل الأسنان بالفرشاة والمعجون ثلاث مرات يومياً، أوتنظيفها بالخيط بشكل متكرر
غسل القدمين بإتنظام، خاصة بعد خلع الأحذية
غسل الخصيتين والقضيب وتنضيفهم بالأصابع جيداً تنضيف منطقة المهبل جيداً بالماء فقط.
الاستحمام قبل وبعد العلاقة الحميمية
مش لازم هدوم البيت تبقى مبهدلة أو مقطعة أو مش لايقة على بعض.. فكر/ فكري فيها زي لبس الخروج بالظبط
التعطر
تصفيف الشعر بشكل جذاب
حلاقة الذقن أو الشنب إن كان يضايق الزوجة ترطيب الجسم واستخدام الماكياج احياناً
الخلاصة أيها النص الحلو .. ونصك التاني:
“تزينا” لبعضكم وزينوا علاقتكم بزينة العقل وبيوتكم بزينة النظافة والنظام والحب.. تتزين حياتكم بالسعادة والهنا.

 

 

 

الكلمات المتعلقة: , , ,
عدد المشاهدات: 6,433