المتلازمة السابقة للحيض

النص الحلو..والنص التاني: الحيض!

سؤال اليوم

ماهى البروستاتا؟ واين توجد ؟

هى جزء هام من الجهاز التناسلي للرجل وتوجد عند الذكر فقط وهى غده فى شكل وحجم ثمره "الجوز" أو "عين... المزيد

بقلم مي الحسيني

كتير أوي الستات والبنات بيحسوا إن الحيض والآلام والتغيرات المصاحبة ليه نقطة مش بس عشان احساسهم بالألم الجسدي، ولكن عشان كمان بيحسوا إنها “ذِلة” الرجالة مسكينها عليهم!!

لو إنتي أنثى.. فأكيد مرة اتعصبتي من موقف ما شخصي- ويمكن يكون كان عندك حق فيه- وأخوكي أو جوزك أو حتى غيره.. قالك: “مالك يا فلانة؟ انتي عندك الدورة؟” أو “معلش يا حبيبتي.. يمكن اعصابك تعبانة بس عشان الدورة قربت”.. أو يمكن سمعتي حد “بيبرطم” بعد ما احتديتي عليه وبيقول: “دي أكيد PMS-ing!”.

ولو انت ذكر.. فأكيد ان الجمل اللي فاتت دي وردت ف ذهنك كتيييير وانت بتتخانق مع أي أنثى أو بتسمع شكواها.. سواء كانت أختك أو زوجتك أو صديقتك أو زميلتك أو غيرها.

طب إيه؟ هي دي يعني اتهامات باطلة وافتراءات؟؟!

لأ، فعلاً فيه حاجة إسمها “المتلازمة السابقة للحيض” Premenstrual syndrome (PMS) وهي عبارة عن أعراض جسمانية ونفسية بتظهر عند معظم الفتيات والسيدات (3 من كل 4 إناث) قبل الدورة الشهرية بخمس أيام وممكن المدة دي تطول لحد 11 يوم بسبب تغيرات هرمونية، وغالباً بتختفي مع بداية الطمث.

طب وايه هي الأعراض دي؟

هي أعراض متنوعة وبتتغير من واحدة للتانية..وكمان قوتها مش بتكون واحدة عند كل بنات حواء، منها:

1- إنتفاخ وآلام في البطن.

2- احتقان أو تورم الصدر.

3- زيادة الشهية للأكل وخاصة الحلويات.

4- الإمساك.

5- الإسهال.

6- الصداع.

7- حساسية للصوت والضوء العالي.

8- الإجهاد.

9- شدة الحساسية.

10- اضطرابات في النوم.

11- القلق.

12- الحزن أو الإحباط.

13- ردود أفعال انفعالية جداً (أوفر يعني).

بس ده مش معناه خالص.. إن كل أنثي تتعصب أو تعيط أو تعمل اي حاجة خارجة عن الطبيعي بتاعها تكون بتعمل كده عشان بتعاني من أعراض متلازمة ما قبل الحيض! ممكن جداً يكون فيه أسباب منطقية لزعلها!

عشان كده تعالوا نشوف سوا إزاي ممكن النص الحلو.. والنص التاني يتعاملوا مع الفترة دي:

pms

في النهاية.. أعراض ما قبل الحيض أعراض بشرية طبيعية.. مش مفروض تكون مصدر خجل أو ضعف.. أو مادة للتريقة والهزار.. أو نقطة ضعف عند الجنس الناعم.. نشير ليها كل ما عبرت عن نفسها بأي طريقة معجبتناش..
ولو فهمناها احنا الاتنين.. هنقدر نتعامل معاها بشكل أحسن أكيد.
الكلمات المتعلقة: , , , , ,
عدد المشاهدات: 63,563